Þróun Glímu í Íslendsku Þjóðlífi

Reykjavík: Rannsóknastofnun Kennaraháskóla Íslands í samvinnu við Glímusamband Íslands, 2006. — 320 bls. — ISBN 9979-793-08-2. Þróun glímu í íslensku þjóðlífi fjallar um sögu glímunnar á Íslandi í gegnum aldirnar, allt frá landnámi til þessa dags. Höfundurinn, Þorsteinn Einarsson íþróttafulltrúi ríkisins árin 1941-1981, kannaði allar tiltækar heimildir um þróun hennar og sögu og hér koma niðurstöður rannsókna sem hann vann að um hálfrar aldar skeið. Í bókinni er sérstakur kafli um erlend fangbrögð og skyldleika glímunnar við þau. Þar bregður höfundurinn nýju ljósi á uppruna þjóðaríþróttarinnar sem hann tók sjálfur ástfóstri við á unga aldri. Íslendingar glímdu sér til hita í landlegum og fjárleitum og til skemmtunar á mannamótum og enn í dag er glíman hluti af íþróttalífi þjóðarinnar. Glíman var sýnd tignarmönnum og á Ólympíuleikum og er ótvírætt hluti af menningararfi þjóðarinnar. Hún er lögð fram í máli og myndum í þessari bók sem er fyrsta heildstæða yfirlitið um þjóðaríþrótt Íslendinga frá upphafi.